..أحلام على صخرة القدر ..

لأول مرة أتكلم عن أحلامى ...لأول مرة هعبر عن امالى ..

بسأل نفسى كتير ..ليه لو ضحكت برجع أعيط ..

ليه لما بحاول أفرح الناس بلاقى كلامهم من جوايا بيقتلنى ..

حياتى بجد كلها أحزان ..واهاتى بتصرخ فى كل مكان ..

وحنينى وحلمى أعيش فرحان ...

نفسى أشوف الناس كل يوم فى عيد ..ونقول سوا للحزن ((امشى بعيد ..))

ونغنى ..00احنا ضحكة مرسومة وحب جديد ..

بس يا خسارة حلمى مهواش موجود ...وجوايا طفل لساه مولود ..

وطول عمرى بعيط ومحدش موجود ..

حرام عليا أشيل جوايا أحلام تسعد ناس ..حرام أعيش معاكم أنا بدون احساس...

فى كل يوم بشوف دنيايا بتعانى ..وخدودى ع الدمع فى اليوم بتنادى ..

وأفضل مستنى الضحكة ..وهيا نسيانى

خلاص ...

بقيت ملك نفسى ..وحياتى عنوانى ..

تعبت والله كتير والجرح بكانى ... ومن غيرك يارب عالم بحالى ..

وطول منا لوحدى بحسك قدامى ...بدعيك يارب ..بدعيك يارب ...ومليش غيرك حد تانى ..